Link açıqlığı

Aprel 4-7 künleri Avropa Şurası Parlament assambleyasınıñ maruzacıları Mariluize Bek ve Kristin Zelenkova şarqiy Ukrainada insan aqlarınıñ bozulması ve zıddiyetniñ siyasiy aqibetlerine dair maruza azırlamaq içün Ukrainada bulunalar.

«Qırımtatar Milliy Meclisi, halqara ve diplomatik toplulıq, vatandaş cemiyeti ve kütleviy haber vastalarınıñ vekilleri, insan aqlarınıñ bozulmasınıñ şaatı olğan insanlarnen körüşüvler keçirilecek», – dep aytıla haberde.

PACE maruzacıları Yuqarı Radanıñ reisi Vladimir Groysman, tışqı işler ve içki işler nazirleri, em de siyasiy fraktsiya ve PACE ukrain eyyetiniñ azalarınen körüşecek olalar. Mariluize Bek ve Kristin Zelenkova Kyivden ğayrı, Dnepropetrovsk ve Mariupolni ziyaret etecekler.

2016 senesi aprel 18-22 künleri Strasbourgda Avropa Şurası parlament assambleyasınıñ baar sessiyasında şarqiy Ukrainada insan aqlarınıñ bozulması ve zıddiyetniñ siyasiy aqibetlerine dair maruza muzakere etilecektir.

Fevral 4-te Avropa parlamenti Rusiye işğal etken Qırımda qırımlılar, hususan, qırımtatarlarnıñ aq-uquqlarınıñ bozulmasını takbih

etip, bunıñnen bağlı rezolütsiyanı qabul etti.

Qırımnıñ Rusiye akimiyeti yarımadada insan aqları bozulmağanını bildire.

Qırımtatar resurs merkezi mart ayı devamında Qırımda aq ve serbestlik bozulmasını 68 kere qayd etti. Merkez Qırımda insan aqlarınıñ bozulması artqanını bildire. Fevral malümatına binaen, 40 bozuv qayd etilgen edi. Tintüv, yaqalav, qorquzuv, çeşit türlü yasaqlar Qırımda adiy bir şeyge çevirildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG