Link açıqlığı

Rusiye nezareti astında bulunğan Kezlev prokuraturası, bir sıra araştırmadan soñ, qaparlar alınması ve berilmesi aqqında saytlarını yasaq etmege qarar aldı.

Bu aqta Qırım prokuraturasınıñ matbuat hızmeti bildirmekte.

«İnternet ağınıñ monitoringi devamında, qapar alınması ve berilmesi boyunca usullarını añlatqan dört sayt tapıldı. Mezkür saytlarda bildirilgeni kibi, teklif etilgen usullarını qullanğan adam, qabarcılıq mesülietinden qaçıp olur eken», dep aytıla mesacda.

Kezlev şeer makemesi prokuraturanıñ davasını qabul etti.

Qırımda bundan evel de Roskomnadzor ya da makeme qararı ile saytlarını yasaq ete ediler. Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG