Link açıqlığı

Kiyevde «Docudays UA» festivalinde «Krım SOS» nıñ peyda oluvı aqqında filmini kösterdiler


Kiyevde, «Docudays UA» adlı insan uquqları aqqında vesiqalı filmleriniñ halqara festivali çerçivesinde, «Entsiklopediya Maydana» adlı tsiklniñ üç qısqa filmi kösterildi. Olarnıñ birisi «Krım SOS» cemaat teşebbüsiniñ peyda oluvı aqqındadır, dep haber ete Qırım.Aqiqat agentligi.

Eki tane başqa filmde «Maydan samooboronası»nıñ teşkil olunıvı ve «Avtomaydan»nıñ birleşüvi aqqında tarif etilmekte.

«Er şey pek organik şekilde keçti. Biz Maydannıñ bütün vaqialarını kamerağa çıqardıq. Biz kameranen aman-aman yaşadıq Maydanda. Maydan bitken soñ ise, biz onıñ neticesinde meydanğa kelgen teşebbüslerni nezaret etmek istedik. Olar ileride nasıl adımlarnı yapacaqlarını körmek pek meraqlı edi», - dep ayttı filmlerniñ rejissörı Sergey Lısenko.

Filmler İsveçiya elçihanesi ve «Docudays UA» festivaliniñ madiy destegi ile çıqarıldı.

«Amma biz bu filmlerni gönülli olaraq qabul etemiz», - dep qoştı Lısenko.

Taqdim merasiminde teşebbüs gruppasınıñ teşkilâtçılarından biri Tamila Taşeva bulundı. Söz sırası, o, filmniñ qaramanı edi. Bunıñnen bir sırada, filmde uquq qoruyıcı Alim Aliyev ve jurnalist Sevgil Musayeva - Borovik iştirak ettiler.

Kiyevde «Docudays UA» adlı 13 halqara festivali açıldı. Merasim aprel 1 kününe qadar devam etecek.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG