Link açıqlığı

Ukraina mustaqilligi devamında milliy Meclisiniñ resmiyleştirüvi meselesi öyle de çezilmedi. Bu aqta, siyasiy tedqiq etüvi boyunca ukrain mustaqil merkeziniñ eksperti Yuliya Tişçenko bildirdi.

«Meclis siyasiy fırqa ya da cemaat teşkilâtı olmağanı içün, Ukraina, qanunlarına kore, 25 yıl içinde bir - de - bir resmiyleştirme şekilini tapıp çıqaramadı, bu yüzden iç bir qanun iddia etilmedi. Ukrainada çalışqan fermanlar, organnı resmiyleştirmek içün kelişmeyler. Tek Yanukoviç devrinde duydurmay boysundırıp areketlerini idare etken, siyasiy qararlarnıñ yarısı tapılğan edi», - dep ayttı Tişçenko.

Ekspertlerniñ fikirince, qanun boyunca Meclisniñ resmiyleştirmesi, qırımtatar halqını yarımadanıñ tamır halqı olaraq tanılması ile ola bile.

«2014 senesiniñ mart 20 künü çıqarılğan Ukraina fermanı boyunca, devlet tarafından qırımtatar Meclisi ve Qurultayı resmiy organ olaraq tanılıp başladı. Bunıñnen bağlı kerekli qanunnı işlep çıqarmaq muracaatı seslendirilgen edi», - dep ayttı qırımtatar halqınıñ uquqları qoruması boyunca Komitetiniñ reisi Eskender Bariyev.

Onıñ qayd etkenine köre, qanunlar leyhaları bar, amma «bu meseleni çezmek içün Ukraina isteblişmenti maksimal derecede ğayretini köstermek kerek».

«Bu, bir qaç bürokratik adımlarınıñ, siyasiy iradeniñ, uyğunlaşuvınıñ meselesidir, onı çezmek içün parlament bütün bularnı añlamaq kerek», - dep yekün çekti Tişçenko.

Faqat ekspertlerniñ fikirince, Rusiyede, ukrain qararlarnıñ qabul etilmesi Meclis işiniñ çezilmesine tesir etmez.

Rusiye nezareti astında bulunğan Qırım Yuqarı Makemesi Meclisniñ qapatılmasınen bağlı davanı muakeme etmege başladı. Mart 3 künü, birinci oturışta davacılar qırımtatarlarnı temsil etken organnıñ faaliyeti ekstremistik ve qanunsız olğanını isbatlağan işke daa qoşma olaraq vesiqalarnı qullanmağa talap etti. Meclis yolbaşçılarnıñ fikirince, büyük ihtimal makeme prokuraturanıñ talabını qabul eter.

Rusiye nezareti astında bulunğan Qırım prokurorı Natalya Poklonskayanıñ teşebbüsi ile açılğan dava vesiqalarını Meclis menfaatını qoruğan advokatları tek mart 7 künü elde etti. Böyleliknen, 600 - den ziyade saifeli malümatlarnen tanış olmaq içün 3 künden az qalğan edi.

Mart 17 künü, Aqmescitte, yarımadada milliy Meclisniñ faaliyetini yasaq etilmesi boyunca nevbetteki makeme oturışı keçirildi.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG