Link açıqlığı

Qırımtatar ATR telekanalına destek köstermek içün, meydanğa ketirilgen auktsion meraqlı lotlarnı toplamağa devam ete. Belli adamlar, muzıkantlar, jurnalistler, siyasiy erbapları telekanalğa yardım etmek içün, öz nesnelerini satmaqta.

Böyleliknen, «Çiberekni aşap, ATRni qurtar» adlı aktsiyanı endi bir qaç qavehane keçirmekte. Camala dizayn şlâpasını, Refat Çubarov şahsiy qalemini, Odessa vilâyet memuriyetiniñ yolbaşçısı mesleatçısı Aleksandr Borovik şarfnı teklif ettiler. İştirakçiler arasında jurnalist Roman Tsimbalük ta bar, o «ukrop» sözlü kölmekni satışqa teklif etti, aynı bu kölmekte o, Ukrainanen bağlı sualni Vladimir Pütinniñ konferentsiyasında bergen edi.

Online auktsion feysbukta #‎saveATR heştegi ile keçmekte.

«Bu künler içinde, saifelerinde #‎saveATR heştegi olğan bütün qullanıcılar menim içün tuvğan oldılar. Heştegniñ özü pervasızlıq ve namus timsalidir. Siz - kerçek dostlarımsıñız. Ağır vaqıtta ep qol tutarsıñız. Em bizge, em biri - biriñizge. Böyle adamlarnıñ yanında yaşamağa qorqunçlı degildir», - dep yazdı Feysbuk saifesinde ATR telekanalınıñ yolbaşçı muavini Ayder Mujdabayev.

Telekanal, uydu saibi ögünde borcnı qapatmaq kerekligi aqqında bildirdi. Ukraina akimiyeti telekanal içün 5 mln grn ayırmaq qararını aldı.

Aprel 1 kününden başlap ATR rus litsenziyasını alıp olamağanı içün, yarımadada öz muqayese yayınlamasını toqtattı. 2014 senesiniñ iyün 17 künü ATR telekanalı öz işini esasiy Ukrainadan ğayrıdan başladı.

Telekanalnıñ saibi Lenur İslâmov şimdiki vaqıtta Ukrainada yaşamaqta ve sentâbr 20 künü başlağan bugünki künge qadar Qırım qamaçavı boyunca grajdanlıq aktsiyasında baş teşebbüsçilerden biri olmaqta.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG