Ukraina akimiyeti qırımtatar ATR telekanalı içün 5 mln grivna ayırmaqta. Bu paralar telekanal tarafından uydu saibi ögünde borcnı qapatmaq içün kerektir.
Bu aqta mart 10 künü akimiyet toplaşuvında söz yürütildi.
«Rusiye rejiminiñ basqısı astında bulunğan bizim qırımtatar telekanalımızğa yardım etmek kerekmiz. Qırımtatar qardaşlarımız aqqında doğru malümatnı bergen ATR telekanalınıñ çalışmaq ve faalleşmek imkânı olmaq kerek», - dep ayttı toplaşuv devamında baş nazir Arseniy Yatsenük.
Haber siyaseti naziri Yuriy Stets hatırlatqanı kibi, on kün evel qırımtatar telekanalı qapatıluv havfında edi. Belli ki, İsveçiya müessisesi - uydu saibi, borclar içün ATRni qapatacaq edi.
Stetsniñ qaydlarına binaen, ATR borcınıñ restukturizatsiya boyunca añlaşma oldı: «Şimdiden 10 mln grivnalıq borc eki kerege kesilecegi aqqında aytmaq mümkün».
2016 senesi içün, Ukraina devlet bücetinde qırımtatar milliy meclisiniñ temin etilüvine 60 mln.grn ayırıldı.
Aprel 1 kününden başlap ATR rus litsenziyasını alıp olamağanı içün, yarımadada öz muqayese yayınlamasını toqtattı. 2014 senesiniñ iyün 17 künü ATR telekanalı öz işini qıtalı Ukrainadan ğayrıdan başladı.
Telekanalnıñ saibi Lenur İslâmov şimdiki vaqıtta Ukrainada yaşamaqta ve sentâbr 20 künü başlağan bugünki künge qadar Qırım qamaçavı boyunca grajdanlıq aktsiyasında baş teşebbüsçilerden biri olmaqta.
Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.
