Link açıqlığı

Moskva nezareti astında bulunğan qırım yaqarlıq ve energetika nazirliginiñ yolbaşçısı Svetlana Borodulina TASS rus agentligine bergen izaatta, Qırımdaki energo ağları 60% eskirgeni aqqında bildirdi.

«Bu em magistral ağları, em de stantsiya bölüklerge ait bir adisedir. Mında şimalden şarq tarafına deñiştirilgen peretok shemasını köz ögüne alsaq, bütün ağlar kompleksini yañıdan qurmaq kerek. Buña ise 41 mlrd ruble lâzim», - dep qayd etti Borodulina.

Onıñ sözlerine binaen, Ukraina Qırımğa elektrik energiyasını bermege toqtatqan soñ, Qırımnıñ energosistemasınıñ çalışma shemaları deñişken.

«Şimdiki vaqıtta elektroenergiyanen temin etilüv bütünley deñişken, peretok ise Qırımnıñ şarq tarafından kerçekleştirile. Elbette, böyle vaziyet özünde bir sıra tehnik tedbirlerniñ keçirilmesini talap etti», - dep qayd etti Borodulina.

Elde etilgen malümatlarğa binaen, energo köpürniñ açılışına Kefe civarında «Kafa» adlı stantsiya bölügi qurılğan, o, Krasnodar yerlerinden kelgen elektrik energiyasınıñ üç çerikni tarqatmaq kerek. Energo köpürniñ dörtünci ağı Keriçniñ civarındaki «Qamış - Burun» stantsiya bölügine ketecek.

Qırımda 2015 senesiniñ noyabr 22 kününden başlap Ukrainadan elektrik berilmesiniñ toqtatılması sebebinden Fevqulade Vaziyet kirsetilgen. Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG