Link açıqlığı

Saatnıñ esas haberi

Meclis onıñ qapatılmasınen bağlı dava vesiqalarını tek 4 künden soñ elde etti – Celâl


Qırımtatar milliy Meclis reisiniñ birinci muavini Nariman Celâl bildirgenine köre, Meclis advokatlarına, Rusiye nezaret astında bulunğan Qırım prokuraturasınıñ istegi ile açılğan, organnıñ qapatılma davası boyunca vesiqalarnı tek mart 7 künü teslim ettiler.

«Şimdi tek advokatnen beraber prokuraturadan kelemiz. Bizge vade etilgen, Mecliske qarşı dava vesiqalarnı tek bugün, dört kün keçken soñ teslim ettiler. Berilgen yedi künden dörtüni ğayıp ettik. Biz tedqiq işlerini keçirmek içün makemeden on kün soradıq, amma oturış devamında prokuror bizim ihtimal uzatmaq isteycegimizni bildirgen edi. İşler ise böyle», – dep yazdı Facebookta Celâl.

Böyleliknen dava işiniñ malümatlarnı, olar ise 600 - den ziyade saifeni teşkil etmekte, ögrenmek içün 3 künden az qaldı.

Celâl bergen malümat boyunca prokuratura vekilleriniñ resmiy izaatları yoq.

Rusiye nezareti astında bulunğan Qırım Yuqarı Makemesi Meclisniñ qapatılmasınen bağlı davanı muakeme etmege başladı. Mart 3 künü, birinci oturışta davacılar qırımtatarlarnı temsil etken organnıñ faaliyeti ekstremistik ve qanunsız olğanını isbatlağan işke daa qoşma olaraq vesiqalarnı qullanmağa talap etti. Meclis yolbaşçılarnıñ fikirince, büyük ihtimal makeme prokuraturanıñ talabını qabul eter.

Mecliske dava işinen tanış olmaq içün yedi kün berildi. Nevbetteki makeme oturışı mart 10 künü keçirilecek.

OON birleşken milletler teşkilâtı Rusiye Federatsiyasını Qırımdaki qırımtatar Meclisiniñ qapatılmasına izin bermemege çağırdı.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG