Link açıqlığı

Qırımnen memuriy sıñırda yerleşken «Çongar» nezaret noqtasında, ukrain qadını onı balasınen beraber kerekli vesiqalarsız Qırımğa keçirgenleri içün, sıñır hızmeti vekillerine qapar teklif etti. Bu aqta Ukraina devlet sıñır hızmetiniñ saytında bildirilmekte.

Hızmette qayd etkenleri kibi, soñki vaqıtları mezkür tekliflerniñ sayısı arttı. Böyleliknen, keçken 24 saat içinde Ukraina devlet sıñır hızmetiniñ vekilleri 8 böyle qaparnıñ berilme adiseni qayd etti.

«Bütün bu vaqialarda insanlar kesen-kes red etüv bildirmelerini alıp, kerekli organlarğa teslim olunalar. Şunı da qayd etmek kerek ki, böyle qaparlar teklifi sayısı yıl - yıldan artmaqta. Umumen alğanda 2015 senesi devamında 275 böyle vaqia qayd etilgen» - dep haber eteler hızmette.

Devlet sıñır hızmeti grajdanlarnı sıñırcılarnıñ tarafından alınğan uquqiy qararlarına tesir etmege ıntılmamağa rica eteler.

2014 senesi Rusiye Qırımnı işğal etken soñ, qıtalı Ukraina ve yarımada yarasında formal olaraq memuriy, asılında ise kerçek sıñır peyda oldı.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG