Link açıqlığı

Rusiye akimiyetinen tayin etilgen Qırım yolbaşçısı Sergey Aksönov bildirgenine köre, yarımadada energiya temin etilüvinen bağlı yüz bergen vaziyet, kurort mevsimine toqunmaz.

Bu aqa o, Rusiye energetika naziri Aleksandr Novaknen keçirilgen körüşüvden soñ bildirdi.

«Turistlerni qabul etermiz ve keregi kibi hızmet etermiz, kimse qasevet etmesin. Kurort yerlerinde bütün DGU ihtiyat olaraq qoyulacaq. İş adamları hızmet etecek. Böyleliknen, episi obyektler daimiy esasqa köre çalışacaq, şifahaneler endi bütün kerek olğan añlaşmalarnı imzaladı. Onıñ içün kurort mevsiminiñ bozulması havfı yoq», - dep bildire Aksönovınıñ matbuat hızmeti.

Qırımda ziyaretnen bulunğan Novaknıñ sözlerine binaen, Qırım yarımadasında elektrik energiyasınıñ umumiy generatsiyası mayıs ayında 1250 megavattnı teşkil etecek.

Qırımda 2015 senesiniñ noyabr 22 kününden başlap Ukrainadan elektrik berilmesiniñ toqtatılması sebebinden Fevqulade Vaziyet kirsetilgen. Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Energo köpürniñ 3 ve 4 ağı kirsetilmesi 2016 senesi mayıs 1 kününe belgilendi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG