Link açıqlığı

Saatnıñ esas haberi

Energo köpürniñ «Taman» stantsiya bölügi qurulışına yarım biñ insan celp etildi – Novak


Krasnodar yaqtan Qırımğa keçirilgen energo köpürniñ «Taman» stantsiya bölügi qurulışına beş yüz adam ve 100 tehnika celp etildi, dep haber etti Rusiye energetika naziri Aleksandr Novak.

«İşler toqtamayıp ketmekte. Bu stantsiya bölügi eyemaneviy tehnologiya ve yañı aletlerniñ qullanmasınen qurıla. Şimdiki vaqıtta anda 100-den ziyade tehnika, 500 - ge yaqın işçi çalışmaqta», – dep bildirdi jurnalistlerge mart 4 künü Rusiye energetika yolbaçısı.

Onıñ sözlerine binaen, bu kibi stantsiyalar tahminen eki yarım yıl qurıla, amma yañı tehnikanı elde etkenleri içün, işler bir seneden de az vaqıt içinde biter.

Qurucılıq keçken seneniñ iyün ayında başlandı, stantsiya bölüginiñ qullanıp başlanması ise bu sene mayıs ayına belgilendi», – dep qayd etti Novak.

Qırımda 2015 senesiniñ noyabr 22 kününden başlap Ukrainadan elektrik berilmesiniñ toqtatılması sebebinden Fevqulade Vaziyet kirsetilgen. Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.

Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.

Energo köpürniñ 3 ve 4 ağı kirsetilmesi 2016 senesi mayıs 1 kününe belgilendi.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG