Rusiye nezaret astında bulunğan Qırım akimiyeti yolbaşçısı Sergey Aksönov fevqulade vaziyetni yoq etmek içün mayısnıñ 10 qadar, her kün toplaşuvlar keçirmesinen qorquttı. O, regional ştablarnıñ işlerinen memnün degil, şimdiki vaqıtta anda talimatlar keçirilmekte.
Bu aqta o, mart 3 künü keçirilgen toplaşuvda bildirdi, qayd ete Qırım.Aqiqat.
«Her kes mayıs kününe qadar her kün çalışacaq. Biz üç ay devamında idman etemiz, amma yerlerdeki adamlar eñ sade şeylerni bilmeyler. Böyle olsa, siz meni bağışlañız, amma bütün ştablarnı tarqatıp, yañılarını qurıp, öz boynuna tayinlengen vaqıtta vazifelerini becergen, mesülietli insanlarnı celp etmek kerekmiz», - çorlandı Aksönov.
O, kendi yardımcı Mihail Şeremetke cuma künü, bütün ştablar boyunca teşkerüvlerni keçirmege ve yapılğan işnen bağlı vesiqalarnı teslim etmege avale etti.
«Eger hiç olmasa bir region bermese - oldı: cumaertesi - bazar künleri, mayıs 10 qadar çalışacaqmız. Meramet kimsege kösterilmeycek», - ifade etti Qırım yolbaşçısı.
Ukrainadan energiyanıñ temin etilmesi toqtatılğanı sebebinden Qırımda 2015 senesiniñ noyabr 22 başlap Fevqulade Vaziyet kirsetilgen.
Herson vilâyetinde yerleştirilgen elektrotayamanıñ ihtimal patlavı sebebinden Ukrainadan Qırımğa elektrik energiyasınıñ kelmesi toqtatıldı. Şimdiki vaqıtta Qırımğa 250 megavat bergen elektrik keçirme ağı tamir etilgen, lâkin yarımadağa onıñ temin etilmesi añlaşma bitkeni içün berilmey.
Şimdiki vaqıtta, Rusiye tarafından işğal etilgen Qırım kendi generatsiya, Rusiyeden generator tertibatı ve Kubandan yapılğan energo köpüri yardımı ile teminlene. Köpür böyle yükke dayanamay, bundan sebep sıq olğan qazalar yüz bermekte.
Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeeriniñ işğali kününen ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini red etip, buña «tarihiy adaletniñ ğayrıdan tiklemesi» kibi baqa
