Link açıqlığı

Ukraina tış işler nazirligi Qırım ve Donbassnıñ qaytarılmasına qadar dünyanı sanktsiyalarnıñ saqlamasına çağıra


Ukraina tış işler nazirligi halqara cemaatçılıqnı Rusiyege qarşı azamiy basqı kösterip, Qırım ve Donbass qaytarılmağance, Ukrainanıñ mustaqillik ve topraq bütünligi ğayrıdan tiklenmegence, bütün sanktsiyalarnı saqlamağa çağıra.

Ukraina OON-nıñ bütün devlet - iştirakçilerni teşkilâtnıñ qanunlarına ve halqara uquqqa köre, Rusiyeden bütün mecburiyetini, minsk añlaşmalarınıñ tolusınen ömürge keçirüvini ve Ukrainağa qarşı yapılğan bütün basqılarınıñ toqtatılmasını talap ete.

Kiyevde hatırlatqanları kibi, Rusiyeniñ basqı başlanması vaqıtından başta Qırımda, soñra Donbassnıñ qısımında 2600 ziyade ukrain askeri elâk oldı ve 9000 ziyade yaralandı.

«Bu basqınıñ üç yıl devamında, rus zabitlernen Donbassta qırqbiñlik ordu teşkil etildi, o ise maliye ceetten bütünley Rusiyenen temin etilgen. Bu ordu eñ yañı rus silâlarnen donatılğan» - dep bildirile mesacda.

Nazirlikte qayd etilgeni kibi, Ukraina biri-biri artından özüne alğan siyasiy, gumanitar, içtimaiy, iqtisadiy hususiyetlerniniñ qoruma mecburiyetlerni ömürge keçire. Bular ise: ateş atmasını toqtatuvı, ÖBSE mahsus monitoring missiyasını tolu irişimnen temin etüvi, siyasiy meselelerni çezecek müim adımlarnı yaptı.

«Ukraina akimiyeti boyeviklerniñ astında olğan yerlerni tabiy gaz ve elektrik energiyasınen temin etmege devam etmekte, ukrain grajdanlarını pensiya ve başqa içtimaiy paralarnı ödemekte. Er vaqıt üküm sürgen cenk vaziyetinde ukrain mütehassısları infrastruktura, bozuq gaz ve suv ağları, elektrik berilme ağını ğayrıdan tikleyler» - dep hatırlattılar arizada.

Rusiye ise öz tarafından Kiyev minsk añlaşmalarğa köre iç bir mecburiyetini yerine ketirmegeni aqqında aytmaqta.

Nazirlikte hatırlatqanları kibi «Rusiye ve onıñ marionetkaları 130 ukrain reinelerniñ qurtarmasına daima mania olalar, olarnı deşetli şaraitlerde tutıp qıynaylar ve Sovet ukumetiniñ cinaiy kodeksine köre ölüm maküminen qorqutalar.»

Rusiye ukrain grajdanlarınıñ siyasiy taqipini devam etip, Rusiyede qanunsız şekilde bulunğan Savçenko, Sentsov, Kölçenko kibi siyasiy mabüslerini azat etmege red ete, dep qoştılar tış işler nazirliginde.

Ukraina Yuqarı Şurası 2014 senesiniñ 20 fevralni resmiy olaraq Qırım ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petr Poroşenko mütenasip qanunnı imza etti. Halqara teşkilâtlar Rusiye tarafından Qırımğa qarşı yapılğan işğal areketlerni qanunsız sayıp, onı takbih etti. Ğarp devletleri Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG