Link açıqlığı

Saatnıñ esas haberi

Halqara uquqçılar gruppası «fevral 26 işini» ögrenmege başladı


Darya Sviridova
Darya Sviridova

Halqara uquqnı bilgen uquqçılar gruppası Qırımdaki «fevral 26 işiniñ» malümatını örgenmege başladı.

Bunı İnsan aqları Ukrain Helsinki birliginiñ uquqçısı Darya Sviridova Kiyevdeki matbuat konferentsiyasında bildirdi, dep haber ete Qırım.Aqiqat mühbiri.

«Fevral 26 işine» uquq ceetinden qıymet kesilmesi müim. İnsan aqları Ukrain Helsinki birligi bu işni insan aqları aqqında halqara uquq ceyetinden talil etken halqara ekspert ve halqara uquqçılardan ibaret olacaq gruppanı qurmağa teklif etti. Şimdilik tam bir cevap yoq, uquq ve barışıq toplaşuvlarınıñ serbestligi aqqında meseleler ceetinden zor bir iş», – dedi Sviridova.

Missiya siyasiy tesir altında qala ve uquq problemlerine baqmadan, ekspertler güzel bir perspektiva bar olğanını qayd ete.

«Gruppamız içün bu işniñ uquqiy tarafını qayd etmek müimdir, çünki halqara cemaatçılıq bu hulâsalarnı temel sayacaq, bu insanlarnı azat etmek içün yapılacaq areketler buña esaslanacaq», – dep qayd etti uquq qorçalayıcı Vladimir Yavorskiy.

Vladimir Yavorskiy
Vladimir Yavorskiy

Rusiyeniñ Qırım işğalinden soñ yarımadada Rusiye uquq qoruyıcıları Ukraina topraq bütünligine qoltutqan ve Qırımnıñ şimdiki yolbaşçısı Sergey Aksenov yolbaşçılığında «Rus birligi» firqasınıñ faallerine qarşı çıqqan qırımtatar faallerini mahkeme etmege başladılar. Vaqialar 2014 senesi fevral 26-da olıp keçken edi. Rusiye taqiqatınıñ malümatına köre, yüz bergen çatışmada eki insan elâk oldı, 79 kişi zarar kördi. Aqmescit SİZOsında yatqan Ahtem Çiygoz da bu iş ile qabaatlana. Mahkümler qabaatını tanımayıp, iş siyasiy sebeplerden açılğanını tüşüneler.

Fevral 15-te Qırımnıñ Yuqarı mahkemesi bu işni tekrar taqiq etilmesine yollamağa qarar aldı.

Rusiyede «Memorial» uquq qorçalayıcı merkezi «fevral 26 işiniñ» iştirakçileri, apiste yatqan – Ahtem Çiygoz, Ali Asanov ve Mustafa Degermenci siyasiy mabus olaraq tanıdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG