Link açıqlığı

Saatnıñ esas haberi

Celâl: Aqmescitte Meclis ofisine ücüm – teşkilâtqa menfiy munasebetniñ kösterilmesi


Fevral 21 künü Qırımtatar Milly Meclisi ofisleriniñ birine olğan ücüm qırımtatarlarnıñ milliy temsiliy organına menfiy munasebetniñ numayışıdır, dep tüşüne Qırımtatar Milliy Meclisi reisiniñ birinci muavini Nariman Celâl.

Bunı o Qırım.Aqiqaqa bildirdi.

«Menfiy munasebetniñ kösterilmesi ile bağlı olması mümkün, merkeziy ofisimiz ile olğanı kibi, oña da insanlar qanunsız şekilde kirip, iş odalarında çöplük obalarını etti, dolplarnı dağıtıp qoydılar. Bu sefer de böyle bir şeyniñ olması mümkün edi. Politsiya vaqianı qayd etti, amma olarnıñ bunı ögreneceklerini tüşünmeymiz, bugünki yaşayışımıznıñ aqiqatı budır», – dey Celâl.

Böyle bir fikirni binadan bir şey ğayıp olmağanı ile bağlaylar. Meclis reisiniñ birinci muavini aytqanı kibi, bütün tehnika evel çıqarılğan edi, ofiste mefruşat, teşkilâtnıñ iç vesiqaları qalğan edi. Celâlnıñ aytqanı kibi, «olar bir de bir meraqnı çağırmaz edi».

«Qaravul çıqqanda, bir qaç belgisiz insan binağa kirdi, yani ofis nezaret altında edi», – dey Celâl.

Qırımtatar Milliy Meclisi reisiniñ birinci muavini Nariman Celâl dey ki, bazar künü, fevral 21-de, belgisiz şahıslar Aqmescitte Meclis ofislerinden birine sürip kirgen.

Uquq qoruyıcılar deyler ki, Meclis yetekçileri Qırımnıñ Rusiyege qoşuluvını tanımay ve Ukraina topraq bütünligine qol tutalar.

Ariza Ukrainada İnsan aqları boyunca BMT nezaret eyyetiniñ başı Fiona Freyzer, Ukrainada AB temsilciliginiñ başı Yan Tombinskiy, İnsan aqları boyunca Avropa Şurasınıñ komissarı Nil Muyjniyeks, Ukrainada Avropa Şurası ofisiniñ reisi Vladimir Ristovskiyge yollanıldı.

Poklonskaya Meclis faaliyetini yasaq etmek qararını añlatqanı kibi, «soñ zamanları Qırım cumhuriyeti prokuraturasına qırımtatar ealisi tarafından Rusiye Fedeartsiyasında resmiyleştirilmegen teşkilâtnıñ faaliyetini qanunsız ve tarik etici olaraq tanımağa ricası ile muracaatlar kele».

Oktâbr 23 künü Rusiye Federatsiyasınıñ Cemaat palatası Rusiye Baş prokuraturasına muracaat etip, Qırımtatar Milliy Meclisiniñ faaliyetini ekstremizmge teşkermege rica etti. Böyle muracaatnıñ sebeplerinden biri – Qırımnıñ Herson vilâyeti tarafından «ticariy» qamaçavı oldı. Qırımnıñ rusiyeli prokurorı Natalya Poklonskaya Meclisniñ «ekstremist teşkilât» olaraq tanılacağını ve faaliyetiniñ yasaq etilecegini nazarda tutqanını bildirgen edi.

Rusiye Qırımnı 2014 senesi baarde işğal etkeninden soñ, qırımtatarlarnıñ yetekçileri Refat Çubarov ve Mustafa Cemilevge yarımada kirişini beş yılğa yasaq ettiler.

XS
SM
MD
LG