Link açıqlığı

Qırımtatar Milliy Meclisi Qırımnıñ Rusiye prokurorı Natalya Poklonskayanıñ Rusiye terroriyasında Meclis faaliyetiniñ yasaq etilmesi aqqında davasınıñ kopiyasını aşkâr etti.

Facebookta aşkâr etilgen kopiyada Poklonskaya cevap berici taraf olaraq «Qırımtatar Milliy meclisi cemaat birligini» qayd ete.

Bunıñ ile Qırım Rusiye prokurorı 2004 senesi Qurultayda – qırımtatarlarnıñ milliy qurultayında qabul etilgen Qırımtatar Milliy Meclisiniñ faaliyeti aqqında qararlarğa esaslana.

«Meclisniñ birindij vazifelerinden biri – qırımtatar halqınıñ milliy ve siyasiy aqlarınıñ ğayrıdan tiklenmesi ve onıñ öz milliy territoriyasında milliy-devlet belgilev aqqınıñ amelge keçirilmesidir… Bu maqsatnı yerine ketirmek içün Ukraina terkibinde Qırım statusınıñ milliy-territorial printsipi boyunca belgilevini talap ete», – denile beyanatta.

Facebookta Meclis saifesinde aşkâr etilgen metinde bildirilgeni kibi, Meclisniñ Rusiyede «devlet qaydını almağan ve bu kibi ariza ile muracaatta bulunmadı».

İşbu dava metninde Meclisniñ eñ «şamatalı» aktsiyası olaraq 2014 senesi fevral 26 künü Qırım Muhtar Cumhuriyetiniñ Yuqarı Radası yanında yüz bergen vaqialar belgilene. Bir taraftan Ukraina topraq bütünligine qoltutqanlar bar edi. Ekinci taraftan – Qırımnıñ şimdiki «yolbaşçısı» Sergey Aksenov idare etken «Rus birligi» firqasınıñ faalleri. Yüz bergen çatışmada eki insan can berdi, taqiqat malümatına köre, 79 kişi zarar kördi.

Oktâbr 23 künü Rusiye Federatsiyasınıñ Cemaat palatası Rusiye Baş prokuraturasına muracaat etip, Qırımtatar Milliy Meclisiniñ faaliyetini ekstremizmge teşkermege rica etti. Böyle muracaatnıñ sebeplerinden biri – Qırımnıñ Herson vilâyeti tarafından «ticariy» qamaçavı oldı. Qırımnıñ rusiyeli prokurorı Natalya Poklonskaya Meclisniñ «ekstremist teşkilât» olaraq tanılacağını ve faaliyetiniñ yasaq etilecegini nazarda tutqanını bildirgen edi.

Rusiye Qırımnı 2014 senesi baarde işğal etkeninden soñ, qırımtatarlarnıñ yetekçileri Refat Çubarov ve Mustafa Cemilevge yarımada kirişini beş yılğa yasaq ettiler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay

XS
SM
MD
LG