Link açıqlığı

Saatnıñ esas haberi

Meclis fevral 11 künü tintüvleri aqqında: qırımtatarlarğa qarşı repressiyalarnıñ yañı dalğası


Qırımtatar Milliy Meclisi qırımtatarlarğa qarşı ayırımlarnıñ yañı dalğası aqqında bildire. Bu aqta Meclisniñ Qırımda fevral 11 künü keçken tintüvlerniñ sebebinden aşkâr etken beyanatında aytıla.

«Bir 10 qırımtatarnıñ evinde tintüv keçirildi, şu sırada: Damir Minadirov (Yalta), Bahtiyar Topuzov (Yalta), Rustem Osmanov (Bağçasaray), Nariman Mamedinov (Bağçasaray rayonı Zalanköy köyü), Rustem İslâmov (Bağçasaray rayonı Zalanköy köyü), Arsen Halilov (Bağçasaray rayonı Zalanköy köyü), Müslim Aliyev (Aluşta rayonı Yuqarı Şuma köyü), ve İnsan aqları boyunca Qırım kontakt gruppasınıñ azası Emir-Üsein Kukunıñ evinde (Yalta)», – denile beyanatta.

Mecliste deyler ki, tintüvler «terroristik teşkilâtta» alâqası bar olğanında şeklengen insanlarnıñ evlerinde keçirildi, yaqalanğan 8 insandan Rustem Osmanov ve Nariman Mamedinovnı sorğulardan soñ serbest bıraqtılar.

«Tintüvler Rusiye qanuniyetiniñ bozuluvı ile keçti, çoqusı allarda – qattı şekilde. Böylece, misal içün, Topuzovlar ailesine uquq qoruyıcılar saba saat yedige sürip kirdi, pencerelerni qırıp, yuqlağan balalarnı qorquttılar, camları balalarnıñ üstüne tüşti», – deyler Mecliste.

Fevral 11 künü sabasından Qırımda qırımtatar faalleriniñ evlerinde tintüvler keçirile. Uquq qoruyıcınıñ yaqalanuvı aqqında haber eteler. Qırımtatar Milliy Meclisi reisiniñ birinci muavini Nariman Celâlnı prokuraturağa çağırdılar. Uquq qoruyıcılar işbu vaqialarnı izaatlamay.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG