Link açıqlığı

Qırımlılar qıtaiy Ukrainağa şahsiy şeylernıñ çıqarıluvı ile olğan zorluqlarğa şikâyet ete – cemaatçılar


Krım SOS cemaat teşkilâtınıñ adliyecisi Viktoriya Savçuk dey ki, Ukraina Nazirler Kabinetiniñ №1035 – «Ukrainanıñ vaqtınca işğal etilgen territoriyasından Ukrainanıñ diger territoriyasına ya da Ukrainanıñ diger territoriyasından vaqtınca işğal etilgen territoriyasına ayrı malnıñ (iş, hızmet) ketirüv sıñırlavı aqqında» – qararı işğal etilgen territoriya ile memuriy sıñırdar çıqarmağa mümkün olğan mallarnıñ cedvelini ğayet qısqarttı. Bunı adliyeci Qırım.Aqiqat Radiosı efirinde bildirdi.

Onıñ sözlerine köre, işbu qaideler qıtaiy Ukrainağa köçmege azırlanğаn insanlar içün zorluqlarnı meydanğa ketire, çünki olar şahsiy şeylerini bile ketirip olamay.

«Devlet degil, memuriy sıñırdır. Ona devlet sıñırı rejimini yükleyler amma. İnsanlar alâ daa Qırımdan ketip, qıtaiy qısımğa köçe. İşbu insanlarğa mikroavtobusta çıqmağa, öz turmuş şeylerini çıqarmağa mümkün degil. Mefruşatnı, misal içün, turmuş tehnikası ve ilâhre», – dey o.

Aynı zamanda, Herson gümrüginiñ gümrük nezareti teşkilâtınıñ idaresiniñ reberi Aleksandr Bakulin Qırım.Aqiqatqa aytqanı kibi, işbu qarar şahsiy şey ya da erzaqnıñ çıqarıluvına tesir etmey.

«Bu qarar vatandaşlarnıñ Gümrük kodeksiniñ 370 maddesinde qayd etilgen şeylerini nazarğa almay», – qayd etti Bakulin.

Ukraina Nazirler Kabinetiniñ №1035 – «Ukrainanıñ vaqtınca işğal etilgen territoriyasından Ukrainanıñ diger territoriyasına ya da Ukrainanıñ diger territoriyasından vaqtınca işğal etilgen territoriyasına ayrı malnıñ (iş, hızmet) ketirüv sıñırlavı aqqında» – qararı 2015 senesiniñ soñunda qabul etildi ve bu sene yanvar 17-de amelge keçirildi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.

XS
SM
MD
LG