Link açıqlığı

Aslı qırımtatar ukrain yırcısı Camala fevral 3 künü «Artıñnı unutma» yrına videoklipni taqdim etti.

«Birinci kere klipni körgende, yüregim tutaştı – gürci manzaraları maña Qırımnı o qadar añdırdı ki. Bu videoda dülber manzaralar deerlik yoqtır, çünki vazifemiz – qıdıruvda yaşağan insannı köstermek edi. Yanğızlıq ve tamırlarğa keri qaytuv aqqında ikâyedir», – yazdı Camala Facebookta.

Yırcınıñ aytqanı kibi, klipte tasvirlenegn yol Camalanıñ ailesi yaşağan Qırımda «Kiyevden Ulu özenge yoluna pek oşay».

«Konservatoriyada oquğanda, ana-babama tatillerge aynı öyle bara edim: metro, tren, bu kibi eski avtobus, bazıda sepet ile mototsikl. Videonıñ soñunda qaramanım «baba» dey. Bu söz tınçlıq duyğusını bere ve, ortalıqta ne olsa da, meni evime qaytara», – dey Camala.

«Artıñnı unutma» yırını Camala bıltır mayıs 18 künü qırımtatarlarnıñ sürgünligi 71 yıllığına taqdim etti.

Qırım Rusiye tarafından 2014 senesi başında işğal etildi.

XS
SM
MD
LG