Link açıqlığı

Saatnıñ esas haberi

Yarımada işğali qırımtatarlarnıñ vatanğa avdetini mürekkepleştirdi – siyasiy ekspert


Qırımğa sürgünlik yerlerinden qaytqanlarnıñ sayısı eksile. İnsanlar yarımadağa bir sıra yañı migratsion qaidelerniñ olmasından sebep qaytıp olamay.

Bu aqta Qırım.Aqiqat Radiosı efirinde yanvar 18 künü siyasiy analitik Yuliya Tişçenko bildirdi.

«Rusiyeniñ migratsion qaideleri sebebinden – 90 künden ziyade bulunuv yasaq ve ilâhre – Qırımğa, misal içün, Özbekistandan insanlar kelip olamay. İşğal ile bağlı vaziyet, qaytmağa istegen insanlarnıñ alışuvını degil de, atta qaytuvnı imkânsız etti», – dey Tişçenko.

Onıñ fikrine köre, qırımtatarlarnıñ qaytuvı ile vaziyetni Herson vilâyetinde qaytqan insanlar içün evleriniñ qurucılığı «qurtara» bile.

Şu cümleden, işbu mesele bu raatlıq künleri Herson vilâyetinde keçirilgen Bütündünya qırımtatar kongressiniñ idare şurasınıñ toplaşuvında muzakere etildi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG