Link açıqlığı

Türkiye Ukraina ile iqtisadiy işbirlik qurmaq niyetindedir, memleketler serbest iqtisadiy zona aqqında añlaşmanı imzalay bile, dedi Qırım.Aqiqatqa Ukraina prezidentiniñ qırımtatar halqınıñ işlerinden vekâletlisi Mustafa Cemilev, qırımtatar yetekçileriniñ Türkiyedeki iş ziyaretiniñ neticelerini izaatlap.

Aytqanı kibi, Türkiye Cumhuriyetiniñ yolbaşçılığı ile körüşüvde, esasen, Ukraina ve Türkiye arasında munasebetlerniñ inkişafı, şu cümleden işbu memleket yolbaşçılarınıñ iş ziyaretleri muzakere etildi.

«Esasen, Ukraina ve Türkiye arasında serbest iqtisadiy zona aqqında añlaşmanıñ imzalanuv imkâniyetini muzakere ettik. Buña olar ğayet eyi yanaştı, Ukraina ile sıqı işbirlik qurmaq niyetindeler. Yaqın vaqıtta, ğaliba, yanvar-fevral ayında baş nazir (Türkiyeniñ – QA) Ukrainağa kelir, soñra mart başında Poroşenko Ankarağa barır. Yani, munasebetlerimizni inkişaf etecekmiz. Bizni yahşı, dostane müitte qarşıladılar», – dedi Mustafa Cemilev.

O, Türkiye ve Ukraina iş adamları içün forumnıñ keçirilecegini ilân etti.

«Biz, ğaliba, iş adamlarını toplarmız – türk ve ukrain – ve bu formuda Türkiye Cumhuriyeti ile sıqı munasebet meselelerini muzakere etermiz», – dedi Cemilev.

Qırımtatarlarnıñ yetekçileri dekabr 16-17 künleri memleketniñ birinci şahısları ile körüşmek içün Türkiye Cumhuriyetine iş ziyareti çerçivesinde kelgenler. Dekabr 16 künü Cemilev ve Çubarov Türkiye prezidenti Recep Tayip Erdoğan, baş naziri Ahmet Davuotğlu ve Tış işler naziri Mevlüt Çavuşoğlu ile körüştiler.

XS
SM
MD
LG