Link açıqlığı

Qırımda qaza brigadaları elektrik yolaqlarında bozuluvlarnı tamirlemege devam ete. Qırımnıñ Rusiye ükümetiniñ matbuat hızmeti bildirgeni kibi, cumaaqşamı qazadan sebep Aqmescit civarındaki Tavel ve Qarasuvbazara rayonı Üç Köz köyleriniñ sakinleri elektriksiz qaldı.

«Aqmescit rayonı Tavel köyünde Zapovednaya soqağı boyunca yerleşken 39 ev ışıqsız qaldı. Qaza brigadası yolğa çıqtı. Qarasuvbazar rayonı Üç Köz köyünde Çehov ve Molodöjnaya soqaqlarında yaşağan 40 müşteri elektriksiz qala. Saat 18:30 tamir işleriniñ keçirilüvine Qarasuvbazar RES qazaiy brigadası çıqtı», – denile beyanatta.

Rusiye akimiyeti dekabr 18 künü Aqşeyh rayonı Kereyit (Kommunarnoye) ve Taş Quyu (Ogorodnoye) köyleri ışıqsız qala bilecegini qayd etti, anda 9:00 – 16:00 saatleri eki stantsiyada tamir işleri yapılacaq.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

XS
SM
MD
LG