Qırımtatarlarnıñ yetekçileri Qırımtatar Milliy Meclisiniñ diplomatik eyyetlerniñ ve halqara teşkilât temsilcileri ile dörtünci adetiy körüşüvi vaqtında Rusiyege qarşı cezalarnı onıñ Donbass ve Qırımdaki areketleri sebebinden ayırmamaq teklifinde buyurdılar.
Bu aqta Kiyevde dekabr 15 künü körüşüvden soñ keçirilgen brifingde Ukrainda prezidentiniñ qırımtatar halqınıñ işlerinden vekâletlisi Mustafa Cemilev bildirdi, haber ete Qırım.Aqiqat mühbiri.
«Qırım ve memleketimizniñ şarqında olğan vaqialar boyunca cezalarnı birleştirmek zaruriyeti ile bağlı sual muzakere etildi», – dedi Cemilev.
O şunı da qayd etti ki, cezalarnıñ olması Rusiye BMT Havfsızlıq Şurasınıñ daimiy azası olğanı ile mürekkepleştirile.
Çubarov körüşüvde çıqışta bulunıp, Ukraina şarqında ve Qırımda Rusiye istilâsı ayrı baqılsa, yarımada işğaliniñ qanuniy olaraq tanılması mümkün.
«Qırımnı aqiqaten coya bilemiz ve qırımtatarları işğalciniñ pancasına tüşer», – dedi Meclis yetekçisi körüşüvde.
Mustafa Cemilevniñ sözlerine köre, elçihanelerden bazıları Meclis ile körüşüvge kelmedi. «Qıtay cevap bermedi, Özbekistan… Rusiyeni çağırmadıq», – dedi Ukraina prezidentiniñ qırımtatar halqınıñ işlerinden vekâletlisi.
Körüşüvde dünyanıñ 28 memleketinden diplomatik eyyetlerniñ ve 10 halqara teşkilâtnıñ temsilcileri buluna edi.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay
