Link açıqlığı

Qırım qamaçavı iştirakçileriniñ Qırım ve Rusiye apishanelerinde yatqan ukrain siyasiy mabüslerini azat etmek talabı Rusiye adliyesine tesir ete bilecek imkâniyetlerden biri. Bu kibi fikirni Ukraina Yuqarı Radasınıñ insan aqları boyunca vekâletlisi Valeriya Lutkovskaya çarşenbe künü, dekabr 2-de, yedi ukrain matbuat vastasınıñ efirinde bildirdi.

«Rusiye adliyesiniñ siyasiy mabüslerge munasebeti aqqında aytacaq olsaq, bu işler olduqça siyasetleştirilgen. Ve, elbette ki, işbu vaziyette böyle siyasiy adım ve soñra, tabiiy ki, adliyege siyasiy işmarnıñ olması mümkün. Bu 90, 100, 5 fayızğa semereli olacağını aytmağa qıyın, – bilmeyim. Amma Rusiye Federatsiyasınıñ siyasetşletriligen adliyesi şaraitlerinde imkânlardan biri kibi, menimce, – e», – dedi o.

Qırım.Aqiqat, Tsentr jurnalistskih rassledovaniy, Hromadske.TV, ATR telekanalı, «Ukrainskaya pravda» neşiri, UA: Pervıy, Çernomorskaya TRK akimiyet ve cemaat arasında munasebetni tiklemek içün eki saatlıq efir içün birleştirler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG