Link açıqlığı

Saatnıñ esas haberi

Aqyarda mahkemeler generatorlar ile teminlemegen, şunıñ içün toplaşuvlar çıraq yarığında keçe, dep bildire Qırım.Aqiqat mühbiri.

Yerli cemaat erbabı, ekolog Margarita Litvinenko aytqanı kibi, o Gagarin rayon mahkemesinde vekâletli şahısl olaraq buluna edi, mında «Sevteploenergo» şirketiniñ sakinlerge davası baqılğan edi.

«Toplaşuv devamında yarıq söndi. İleride mahkeme toplaşuvı mahkemeciniñ masası üstünde olğan çıraq yarığında keçti», – dey cemaat erbabı.

Bunıñ ile o şunı qayd etti ki, muşavere odasına çıqıp, mahkemeci beş daqqadan qaytıp, bastırılğan mahkeme qararı ile qayttı.

«Yarıq olmağanda, metn bastırmaq imkânı yoq edi. Qarar evel qabul etildi, sakinlerniñ faydasına degil. Mahkemede iç bir delil, dava ve meselelerniñ emiyeti yoq edi. İnsannıñ adaletli ve obyektiv mahkeme taqiqatına aqqınıñ bozuluvıdır», – dey o.

Mahkemeniñ işbu qararı aqqında resmiy beyanat yoq.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.

Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG