Link açıqlığı

Rusiye Federatsiyasınıñ prezidenti Vladimir Putin aytqanı kibi, Qırımnıñ energetik qamaçavı «Kiyevdeki şeriklerimizniñ indemez razılığı olmadan» meydanğa çıqmaz edi.

Bu aqta Rusiye devletiniñ başı noyabr 25 künü Nijniy Tagilde Devlet şurası prezidiumınıñ çıqış toplaşuvında bildirdi, denile Kreml saytında aşkâr olunğan beyanatta.

«Kiyevdeki şeriklerimizniñ mevamı ayrette qaldıra. Olarnıñ indemez razılığı olmadan bu vaqialar meydanğa çıqmaz edi, bu açıq-aydındır. Qırımnıñ ukrain devleti terkibine qaytaruv zaruriyeti aqqında aytalar ve insanlarnı horlaylar, tam tersine areket eteler. Soñ? Olarnıñ saylavı, yañı ve şaşırtacaq bir şey yoq», – dey Putin.

O, işbu vaziyette qırımlılarnıñ «metaneti»ni qayd etti.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini tamirlediler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG