Link açıqlığı

Rusiye Mudafaa nazirligi rus uçağı Türkiyeniñ ava boşluğını bozmadı, dep israr ete

Rusiyeniñ Su-24 cenk uçağı salı künü Suriye ve Türkiye sıñırında tüşürildi. Türkiyeniñ malümatına köre, uçaq memleketniñ ava boşluğını bozğan soñ, bir qaç kere tenbiyelendi, amma tenbiyelerge emiyet bermeyip, eki dane F-16 türk uçağı tarafından tüşürildi. Rusiye Mudafaa nazirligi arbiy uçaq tüşkenini tanıp, diger versiyanı aydınlata: Su-24 Türkiyeniñ ava boşluğını bozmadı ve, tahminlerge köre, topraqtan uçurılğan raketa ile tüşürildi.

Türkiye bergen malümatına köre, uçaq Türkiye ile sıñırğa yaqın Suriye toprağına tüşti.

Türkiye kütleviy haber vastaları bildire ki, tüşürilgen uçaqnıñ eki uçucısı da zembilnen endi. Teşkerilmegen malümatqa köre, pilotlardan biri – Eldar Safutnov. InformNapalm gruppasınıñ göñüllileri Suriyede Rusiyeniñ Su-24 uçağınıñ erkânını aydınlatqan ediler, anda buña oşağan soyadı ile uçucı bar edi – Eldar Sayfutdinov.

Öz menbalarğa esaslanğan CNN Turks malümatına köre, bir uçucı elâk oldı, ekincisi yerli türk taqımları tarafından esir alındı. Uçucılardan biriniñ fotoresimleri ve video – elâk olğan soyu (16+)

Bellingcat gruppasından Eliot Higgins Rusiye uçucılarınıñ video ve fotoresimlerini Latakiya civarındaki Hmeymim bazasında qıyaslay – levhalarda Rusiye pilotları bar:

NATO Türkiye muracaatını qabul etip, noyabr 24-te tüşürilgen uçaq sebebinden mahsus körüşüvni teşkil ete. NATO azası olğan 28 devletniñ temsilcileri Kiyev saatine köre saat 18:00 toplaşuv keçirecekler.

Rusiye Mudafaa nazirligi rus uçağı Türkiyeniñ ava boşluğını bozmadı, dep israr ete

Rusiye Mudafaa nazirligi Rusiyeniñ Su-24 cenk uçağı Suriyede tüşti, dep bildire. Resmiy malümatqa köre, bunıñ sebebi «topraqtan açılğan ateş olğandır».

Rusiye Mudafaa nazirligi Rusiye uçağı Türkiyeniñ ava boşluğını bozmadı, dep israr ete.

Rusiye Suriye prezidenti Başar Asadqa qoltutmaq içün Suriyede ateş açqan edi.

Keçken ay Türkiye uçaqları Türkiye ava boşluğını bozğan angi devletke ait olğanı belli olmağan uçaqnı tüşürgen edi.

XS
SM
MD
LG