Link açıqlığı

İç kimse unutılmadı. Ahtem Çiygoz ve Reşat Ametov «Ukrainanıñ Halq Qaramanı» «nişanları» ile taqdirlendi


Ahtem Çiygoz

Qırım ile memuriy sıñırdaki yarımada qamaçavı boyunca vatandaş aktsiyasınıñ ştabında «Ukrainanıñ Halq Qaramanı» devletten tış «nişanları» ile mukâfatlandıruv merasimi olıp keçti, dep haber ete Qırım.Aqiqat mühbiri.

Mukâfat askerlerge ve Vatanını imaye etip elâk olğanlarğa, göñülli ve cemaat erbaplarına berildi.

Taqdirlengenler arasında – siyasiy mabus, Qırımtatar Milliy Meclisi reisiniñ muavini Ahtem Çiygoz. Rusiyeniñ Qırım işğalinden soñ ğayıp olğan ve 2014 senesi baarde qıynav izleri ile ölü tapılğan Reşat Ametov da ölümden soñ mukâfatlandı.

Reşat Ametov
Reşat Ametov

Qaramanlarnı Ukraina halq deputatı, Qırımtatar Milliy Meclisiniñ reisi Refat Çubarov rağbetledi.

«Ukrainanıñ Halq Qaramanı» «nişanı» – 2015 senesi antikvariat kollektsioneri ve göñülli Andrey Boyeçko ve quyumcı Dmitriy Şçerbakovnıñ teşebbüsi ile tesis etilgen ukrain devletten tış mukâfatıdır.

Mukâfat eki şekilde yapıldı: qırmızı-qara şeritli – askerler içün ve sarı-mavı şeritli – göñülli ve ekimler içün.

Bundan evel bu mukâfatqa qırımtatarlarnıñ milliy lideri Mustafa Cemilev nail olğan edi

«Nişan» 925 kümüşten yapıldı, er biriniñ ayrı nomerası ve qoruma unsurları mevcut.

Bundan evel bu mukâfatqa qırımtatarlarnıñ milliy lideri Mustafa Cemilev nail olğan edi.

Sentâbr 20-de qırımtatar liderleriniñ teşebbüsi ile Qırımğa aşayt mahsulatı ve mal ile ketken yük maşinalarını blok etüv aktsiyası başlandı.

Qamaçav teşebbüsçileriniñ fikirince, yarımada Rusiye Federatsiyası tarafından işğal etilgeninden sebep ukrain şirketleri Qırım ile ticaret munasebetlerini toqtatmaq kerekler. Aktsiya teşkilâtçılarınıñ aytqanına köre, yük maşinalarınıñ Qırımğa kirmesi içün olarnıñ talapları yerine ketirilmek kerek: siyasiy mabuslar azat etilecek, mustaqil kütleviy haber vastalarına basqı yapılmaycaq, halqara közeticiler yarımadağa raat kirecek, qırımtatarlarğa qarşı basqılar toqtatılacaq.

XS
SM
MD
LG