«İşğalni toqtatmaq içün Qırımda insan aqlarınıñ monitoring missiyası meydanğa ketirilmek kerek», – Çubarov

Cuma künü, noyabr 6-da, Ukrainada Rusiye Federatsiyasınıñ elçihanesi yanında Rusiye tarafından işğal etilgen Qırımda qırımtatarlarnı taqip etüvge qarşı narazılıq aktsiyası olıp keçti. Barışıq aktsiyasınıñ iştirakçileri Qırımda insan aqlarınıñ monitoring halqara missiyasını meydanğa ketirmege talap ettiler. Aktsiyada «Qorqu yarımadası» flash mobı olıp keçti. Onıñ iştirakçileri yüzlerini qapatıp, susıp tura ediler. Böylece işğal etilgen Qırımda söz serbestligine yapılğan basqı ve qorquzuvlar ifadelendi. Tedbirde Qırımtatar Milliy Meclisiniñ azaları, Qırımdan köçip kelgenlerniñ teşkilâtlarınıñ vekilleri, qırımtatar faalleri, jurnalistler iştirak etti.