Link açıqlığı

Saatnıñ esas haberi

Oktâbr 23 künü Rusiye Federatsiyasınıñ Cemaat palatası Rusiye Baş prokuraturasına muracaat etip, Qırımtatar Milliy Meclisiniñ faaliyetini ekstremizmge teşkermege rica etti. Bunı Cemaat palatasınıñ matbuat hızmeti bildire.

«Qırım cumhuriyeti sakinlerni ile keçirilgen körüşüvler devamında defalarca Meclis ekstremist faaliyetine şikâyetler kele edi», – dedi baş prokuror Yuriy Çaykağa yazılğan muracaatta Rusiye Cemaat palatasınıñ milletlerara ve dinlerara munasebetlerinden komissiyasınıñ reisi muavini Maksim Grigoryev.

Böyleliknen, muracaatta o Qırım ile memuriy sıñırda yük naqliyatına «Pravıy sektor» temsilcileriniñ «ücüm»lerini qayd ete ve bunı «reket» olaraq tanıy.

Vesiqada aytılğanı kibi, iş adamları Meclis temsilcileri tarafından olğan «qorquzuvlar» sebebinden öz ticariy faaliyetini toqtatmaq mecburlar.

Grigoryev Yuriy Çaykağa yazğan mektübinde qayd etkeni kibi, Qırımnıñ «energetik» qamaçavına çağıruvdan soñ «belgisiz şahıslar Melitopol-Canköy yolağınıñ tiremelerini patlattılar».

Bunıñ ile Meclisni «Krım» batalyonınıñ teşkil etilmesinde qabaatladılar. İşbu batalyon arbiyleri Donbassnıñ «cezalav ameliyat»ında iştirak ete eken ve sanki Suriyede İGİL tarafında cenkleşe.

Qırımtatar Milliy Meclisi reisiniñ birinci muavini Nariman Celâl aytqanına köre, «Rusiye soñ vaqıtları Rusiye Federatsiyası territoriyasında keçken adiselerde özüne mahkemeci rolüni almağa başladı».

Onıñ degeni kibi, Rusiye territoriyasında, «Qırım şimdi Rusiye Federatsiyasınıñ nezareti altında olğanını nazarğa alıp, Meclis iç bir qanunsız areket yapmağan».

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Oktâbr ayında, faallerniñ aytqanı kibi, yarımadanıñ «energetik» qamaçavı da başlandı.

XS
SM
MD
LG