Link açıqlığı

Qırımda artıq festivaller turizmi rağbetli degil, bunıñ yerinde yarımadada şansonnı diñleyler. Bunı Qırım.Aqiqat Radiosınıñ efirinde Qırımnıñ kurort ve turizm sabıq naziri, Ukrainanıñ agrar siyaseti naziriniñ keñeşçisi Aleksandr Liyev bildirdi.

Onıñ sözlerine köre, Qırımda raatlanğan insanlarnı «Jazz Koktebel» ya da «Kazantip» kibi festivaller ile ayrette qaldırmağa imkânsız».

Qırımda Rusiye turistik aqımı eki gruppadan ibaret ve ekisiniñ de hususiy istekleri bar.

«Birinci – anda mecburen ketkenler. Öz raatlığını Saratovda planlaştırğanlar. Bunıñ ile olarnıñ başlarına bedava yollanuvlar tüşti, barmaq zorunda qaldılar. Ekinci soyları – «krımnaş». Olar içün bayraq ile kelip, onı tiklemek, foto çekmek ve «Odnoklassniki» saytında paylaşmaq müim. Evge qaytıp, anda olğanlarını er keske köstermek. Oldı, «krımnaş». Birinci kategoriyadan daa da beter. Aynı şu insanlar turizm saasında çalışqan qırımlılarda nefret doğura. Qırımnıñ turizm saası, öz menfiy çizgileri ile, oqumışlı insanlardır», – dey Liyev.

Qırımnıñ sabıq kurort naziriniñ fikrine köre, Qırımnıñ turizm saasınıñ hadimleri «Rusiyeniñ başqa turistine» alıştı. Şimdi yarımadağa evelki Qırımğa kelgen rusiyeliler kelmey, dey Liyev.

«Eki qat ücüz edi. Çoqusı Putin teşviqatını körmemek içün kele edi. Şimdi Piterden Qırımğa kelmege ne acet bar? Piterde de er yerde Putiniñ çırayları asıla, aynı ahlâqsız ve qaba OMON» – dep qoştı Liyev.

Ukraina Yuqarı Radası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq belgiledi. Ğarp memleketleri Qırım işğalini tanımay ve bir sıra iqtisadiy cezalarnı kirsete. Rusiye yarımadanıñ işğalini red ete ve bunı «tarihiy adaletniñ qaytarılması» olaraq adlay.

XS
SM
MD
LG