Qırımnıñ rusiyeli başı Sergey Aksenov, Qırımnıñ qıtaiy Ukraina tarafından ola bilecek «qamaçavını» izaatlar eken, qıyınlıqlar olacağını tanıdı, amma dey ki, Qırım şirketleri işine devam etecek.
«Tabiiy ki, muayyen qıyınlıqlar olacaq, amma açtan ölmemiz, şirketleri toqtamaz. Bıltır söndürüv rejiminde çalıştıq, bütün yedek küçleri işletilgen. Yaşayış teminlev obyektleri – hastahane, loqsahaneler, mektepler. Bizde bu ceyetten er şey teminlengen. Er şey yahşı olur», – dedi Aksenov RİA Novosti agentligine.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.
Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.
