Link açıqlığı

Saatnıñ esas haberi

Qırımnıñ «vatandaşlıq» qamaçavınıñ teşebbüsçilerinden biri Lenur İslâmov dey ki, Qırım ile memuriy sıñırda aktsiya işitarkçileri tarafından qoyulğan blokpostlarda endi uquq qoruyıcı organlarnıñ hadimleri gece-kündüz nevbette tura, bildire Qırım.Aqiqat mühbiri.

İslâmov dey ki, qamaçav iştirakçileri Qırım ile memuriy sıñırğa yol alğan aydavcılarnıñ izni olmadan, maşinalarını teşkermeyler. Aydavcı şübe doğurğan şeyni köstermege istemese, uquq qoruyıcı organlarnıñ hadimleri davet etile.

Blokpostlarda GAİ ve militsiya hadimleri nevbette tura.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG