Link açıqlığı

Qırımnı Ukraina terkibine 1954 senesi Kiyevniñ ricasına köre degil de, Sovet Birliginiñ Kommunist Firqasınıñ Merkeziy komitetiniñ (TSK KPSS) siyasiy bürosınıñ qararı ile bergenler, dedi Ukraina birinci prezidenti Leonid Kravçuk.

«Qırımnıñ teslim etüv meselesi nasıl etip al etilgeni aqqında haberi olğan insanlardan biri olam. Bilesizmi, hayaldır, sanki Ukraina istey, bular bermey edi», – dedi o Qırım.Aqiqat Radiosı efirinde.

Onıñ sözlerine köre, «Hruşçövğa er vaqıt mektüpler kele edi: «Bizni mından alıñız (Qırımdan – QA)».

Kravçuk dey ki, o vaqıt Ukraina Kommunistik firqasınıñ kâtibi Aleksey Kiriçenko Qırımnıñ berilmesine qarşı edi, çünki bu qoşma masraflarga bağlı edi.

«O vaqıt o (Nikita Hruşçev – QA) trenge Kiriçenkonı oturtıp, onı Moskvağa ketire. Ve TSK KPSS Qırımnıñ Ukrainağa berilmesi aqqında qarar ala. Bunı Rusiye Sovet Federativ Sotsialistik Cumhuriyetiniñ Yuqarı Şurası, Ukraina Yuqarı Şruası, SSCB Yuqarı Şurası ve prezidiumı al ete edi. Yani, o vaqıtlarğa köre, qanuniy qararlar edi. Qırımnı kimse Ukraina ricası ile bermegen edi. Qırımnı Ukrainağa ukrain akimiyetiniñ qararına qarşı teslim ettiler», – dey Ukrainanıñ birinci prezidenti.

O dey ki, bu seneler devamında Ukraina Qırımğa 100 milliard dollardan ziyade aqça masraf etti. «Yollarnı, kanallarnı qurdı ve ilâhre. Rusiye bunı iç bir vaqıt yapıp olamay edi. Şimdi de yapamay», – qayd etti Leonid Kravçuk.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG