Ukraina musulmanları diniy idaresi (UMMA) müftisi Said İsmagilov işğal etilgen Qırım ve Donbassta yaşağan dindaşlarını hayırlap, «işğalniñ acele bitmesini» tiledi.
«Muqaddes Qurban bayram künü Ukraina musulmanları adından işğal etilgen Qırım ve Donbassta yaşağan ukrain musulmanlarını hayırlayım. Olarğa sulh ve Yüce Rabbimizniñ minnetini tileyim. Allah dua, oraza, qardaşlarımıznıñ çalğan qurbanlarını qabul etsin. Ümüt etemiz ki, yaqın vaqıtta Ukraina regionlarınıñ işğali soñuna yeter ve biz kene de yaqında olacaq bayramlarnı Qırım ve Donbass musulmanları ile beraber qarşılaycaqmız», – dedi Said İsmagilov Qırım.Aqiqatqa.
Qırımtatarlarnıñ yetekçileri – Mustafa Cemilev ve Refat Çubarov bu sene, bıltır olğanı kibi, yarımada işğalinden ve Rusiye akimiyetiniñ Qırımğa kirmek yasağından sebep, Qurban bayramnı Kiyevde qayd ettiler.
Qurban bayram – acılıqnıñ soñunda, Oraza bayramdan 70 künden soñ qayd etilgen musulman bayramıdır.
