Link açıqlığı

Qırımtatar Milliy Meclisinde Aqyar regional Meclisiniñ başı Enver Mamutdinovınıñ yerli cemaat palatasınıñ azası olğanı aqta malümatnı teşkereler.

Qırım.Aqiqat mühbiri bildirgeni kibi, Aqyarnıñ rusiyeli ükümetiniñ topalşuvında, sentâbr 22 künü, şeerniñ şimdiki başı Sergey Menâylo yerli cemaat palatasınıñ azaları olğan sekiz insannıñ adlarını seslendirdi. Olarnıñ arasında Aqyar Meclisiniñ reisi Enver Mamutdinovnıñ adı da bar edi.

Qırım.Aqiqatqa Qırımtatar Milliy Meclisiniñ reisi muavini Nariman Celâl aytqanı kibi, Mamutdinovnıñ cemaat palatasınıñ azası olğanı aqta haberi yoq eken.

«Doğrusını aytsam, men içün bir yañılıqtır. Aqyar regional Meclisi bizni yolbaşçısını cemaat palatasına namzet olaraq köstermege niyeti olğanı aqqında haberdar etmedi. Umumen, regional Meclislerniñ yerli akimiyet ile işbirlik meselesini biz olarğa qaldırdıq, amma siyaset ve onda Meclis azalarınıñ iştiraki ile bağlı sualler merkeznen uyğunlaştırılmalı», – dey Celâl.

Meclis reisiniñ muavini aytqanı kibi, qırımtatarlarnıñ merkeziy temsiliy organınıñ azaları eñ yaqın vaqıtta işbu tayinlevniñ tafsilâtlarını ögrenmek niyetindeler, bundan soñra resmiy bildirüv teşkil etilecek.

XS
SM
MD
LG