Qırımtatar Milliy Meclisi reisiniñ birinci muavini Nariman Celâl Qırım işğaline qarşılıqnı bildirgen tatar faali Rafis Kaşapovnıñ ükmüni «Rusiye cemiyetine susmaq emiri» olaraq adladı. Onıñ tahminlerine köre, ileride yañı cezalar olacaqtır.
«Rusiyeniñ territorial deñişüvleri ile bağlı fikir bildirüvleri qattı sürette cezalandırılacaqtır. Tünevin tatar faali üzerindeki mahkeme bunı tasdiqladı», – yazdı Celâl Facebookta.
Emindir, işbu mahkeme ketişatından soñ «razı olmağanlarnıñ» taqibi daa da artacaqtır.
«Bunıñ ile Rusiye topraq bütünlgininiñ bozuluvına, milletlerara ayırımnıñ peyda ettirüvine, devlet havfsızlığına qarşı areketlerge nisbeten Rusiye qanuniyetiniñ qaidelerini mümkün olmağan derecede keñ sürette añlamaq mümkün. Endi jandarmlar razı olmağanlarnı ekstremizm ve separatiszm maddeleri boyunca kese qoyacaqlar», – yazdı o.
Umumiy nizam apishanesinde üç yıllıq apis cezası – Naberejnıye Çelnı (Tataristan, Rusiye) şeer mahkemesi Tatar cemaat merkeziniñ reisi Rafis Kaşapovnıñ içtimaiy ağlarda yazğanlarına qıymet kesti. Onı nefret doğurması ve davaaçılmasında, em de Rusiyeniñ topraq bütünligini deñiştirmek çağıruvlarında qabaatladılar.
