Link açıqlığı

Saatnıñ esas haberi

Cemilev Bütündünya qırımtatar kongressinde: Rusiyege qarşı halqara sanktsiyalar Qırımnı qurtarır


Rusiyege qarşı halqara sanktsiyalar Ukrainağa işğal etilgen Qırımnı qaytara bile. Bu aqta qırımtatarlarnıñ yetekçisi, Ukraina prezidentiniñ qırımtatar işlerinden vekâletlisi Mustafa Cemilev Bütündünya qırımtatar kongressinde çıqışta bulunıp bildirdi, – haber ete Qırım.Aqiqat mühbiri.

«Esas maqsadımız – yarımadanı qanunsız işğalden qurtarmaq ve keri qaytarmaq. Fikrimizce, küreş usullarından biri – sanktsiyalarnıñ kirsetilmesidir. Sanktsiyalarnıñ soñ maqsadı – Rusiye ordularınıñ çıqarıluvıdır. Qoşma cezalar kirsetilse, Vatanımızğa qaytıp olurmız, eminim. Amma bu maqsatqa irişmek içün, dünya toplulığınıñ qoşulması kerektir. Halqara devletler birlikte çalışmasa, bütün ğayretimiz nafile olur», – dey o.

Cemilev qırımtatar halqınıñ SSCB Stalin rejiminiñ yıqıluvında qırımtatar halqınıñ rolü aqqında hatırlattı ve qırımtatarlar demokratik uquq ve degerlerniñ ğayrıdan tiklenilmesi içün halqara qol tutuvnı qazanğanını qayd etti.

Ukraina prezidentiniñ qırımtatar halqınıñ işlerinden vekâletlisi qırımtatarlarnı çeşit usullar vastası ile sürgünlikke mecbur etkenlerini qayd etip keçti.

«Qanunsız akimiyet tarafından etilgen er şey tamır halqı temsilcileriniñ Qırımda qalmaması içün yapıla… İşğalci akimiyet temsilcileri iç bir şeyni ihmal etmeli: yaqalav, mektep tintüvleri, mesülietke celp etüv, insanlarnı ticaretten marum qaldıruv. Qırımtatarlarnı topraqnı qaldırmağa mecbur ettiler. Qırım işğalinden soñ bir 150 evde tintüv yapıldı. İşğalci akimiyetniñ tarik etici areketleridir. Bütündünya qırımtatar kongressiniñ esas vazifelerinden biri – işğal ile küreş usullarınıñ işlep çıqarıluvıdır», – dey Cemilev.

Qırım.Aqiqat mühbiri bildirgeni kibi, Cemilevniñ çıqışı soñuna yetkende, kongress iştirakçileri qırımtatar halqınıñ yetekçisini ayaqta turıp alğışladılar, salonda «Mustafa!» qıçırğanlar bar edi.

Ukraina prezidenti Petro Poroşenko Qırımğa, qırımatatar halqınıñ tarihiy Vatanına ukrain devleti terkibinde milliy-territorial muhtariyet statusınıñ berilmesi aqqında «yol haritasınıñ» işlep çıqarılacağını bildirdi.

Kongresste 12 memleketten 500 vekilniñ iştirak etmesi beklenile: Ukraina, Türkiye, Özbekistan, Qazahistan, Qırğızistan, Litvaniya, Romaniya, Poloniya, Frenkistan, Rusiye, AQŞ ve Kanada.

Rusiye yarımadanı işğal etken soñ 2014 senesi fevral 27-den bugünki künge qadar 15 biñ qırımtatarı Qırımnı terk etmege mecbur oldı. Qırımtatar halqı liderleriniñ Qırımğa kirişleri yasaq etildi, demokratik yollar vastasınen saylanğan ve bütün dünyada yerli halqlarnıñ idare organlarınıñ örnegi olğan – Qırımtatar Milliy Qurultayı ve Meclisi – faaliyetlerini devam ettirmek imkânından marum qaldılar, olarnıñ mal-mülki ise musadere etildi.

İşbu vaziyetni nazarda tutıp, II Bütündünya qırımtatar kongressini Türkiye paytahtı – Ankarada keçirmek kibi qarar alındı. Ankarada qırımtatarlarnıñ eñ büyük diasporası yaşamaqta.

XS
SM
MD
LG