Ukraina ükümeti Rusiyeniñ Ukrainağa nisbeten istilâsınıñ qurbanlarına Rusiyege qarşı İnsan aqları boyunca Avropa mahkemesine davalarnı açmağa yardım etecek kampaniyağa başlay. Bu aqta Ukraina baş naziri Arseniy Yatsenük iyül 31 künü Harkovğa iş ziyareti vaqtında bildirdi.
Ukraina baş naziri bildirgeni kibi, cuma künü, iyül 31-de, o Harkovnıñ bedava uquqiy yardım merkezini ziyaret etti, mında advokatlar köçip kelgenlerge Rusiye ile makemeleşmege yardım etmege başladı.
«Biz yañı büyük leyhağa başladıq. Onıñ sayesinde Rusiye istilâsı neticesinde zarar körgen köçip kelgen insanlar yardım körecek. Şu cümleden, İnsan aqları boyunca Avropa mahkemesine ya da milliy mahkemelerge farqlı arizalarnı toldurmağa yardım etecekler», – dey Arseniy Yatsenük.
Ukraina içtimaiy siyaseti nazirliginiñ malümatına köre, iyül 27-ne memlekette Qırım ve Donbasstan 1,4 million köçip kelgen insan qayd olundı.
