Link açıqlığı

Türkiye Silâlı quvetleriniñ Baş ştabı: qırıcılar kürd boyevikleri mevzilerine ava ücümlerini etti


Türkiye Arbiy ava quvetleriniñ qırıcıları Türkiye yasaq etilgen «Kürdistan İş firqası» temsilcileriniñ memleketniñ cenübiy-şimalindeki mevzilerine ücüm etti.

Bu aqta Türkiye Silâlı quvetleriniñ baş ştabı bildire.

Bildirilgeni kibi, dağ rayonlarında bir qaç lager bütünley yoq etildi. Cevap olaraq «Kürdistannıñ İş firqası»nıñ boyevikleri Türkiyeniñ cenübiy-şarqında Diyarbakır ve Muş şeerlerini bağlağan eki köpürni patlattılar.

Türkiye prezidenti Recep Taiyp Erdoğan aytqanı kibi, kürd meselesiniñ demokratik çezilüv ketişatınıñ devamı olamaz. Erdoğan dey ki, akimiyet kürd separatistlerine qol tutqan şahıslar ile muzakere keçiremez.

İyül 24 kününden Türkiye Suriyede «İslâm devleti» ve İraq şarqında kürdlerniñ mevzilerine ücüm etmektedir. Bunıñ ile, malüm olğanı kibi, bu afta Türkiye politsiyası «İslâm devleti» teşkilâtı ile bağı olğan bir 15 insannı ve «Kürdistannnı iş firqası» ile bağı olğan 19 insannı yaqaladı.

XS
SM
MD
LG