Link açıqlığı

Federatsiya şurasınıñ reisi Valentina Matviyenko dey ki, Qırım işleri boyunca Rusiye nazirligi öz işini becerdi ve onı dağıtmağa mümkün.

«Bugünge nazirlik öz vazifesini becerdi. Menimce, onıñ ile qolay vedalaşmağa mümkün. Qırım boyunca işni alıp barğan baş nazir muavini Kozak Dmitriy Nikolayeviç bar. Er nazirlikte, adet üzre, nazirniñ muavinlerinden biri Qırım meseleleri ile oğraşa. Menimce, onı dağıtmağa doğru olur edi. Amma şimdi men öz noqtaiy nazarımını bildirem ve prezident mevamını bilmeyim», – dep bildire Matviyenkonıñ sözlerini RİA Novosti agentligi.

Qırım işleri boyunca nazirlik 2014 senesi mart ayında Rusiye ükümeti terkibinde teşkil etildi. Nazirlik işiniñ esas neticesi – 2020 senesine qadar Qırım ve Aqyar inkişafınıñ yekâne federal programmasınıñ işlep çıqarılmasıdır.

Keçken afta Rusiye matbuat vastaları işbu nazirlikniñ yoq etile biyecegi aqqında yazmağa başladı. Rusiye yolbaşçılığınıñ bu meselede qararı şimdilik yoqtır.

XS
SM
MD
LG