Rezident olmağannıñ hatası

2014 senesi mart ayında Rusiye Federatsiyası ukrain Qırım yarımadasını zapt etti. Orta asırlarnıñ eñ güzel ananelerine köre Qırım yarımadasınıñ bütün sakinleri Rusiye vatandaşları olaraq ilân etildi. Bazıları bir ay içinde Ukraina vatandaşı qalmaq istegenini ariza şeklinde bildirdiler. İstilâcı memleketniñ vatandaşlığından vazgeçkenlerniñ taqdiri bir yıl içinde nasıl deñişti, olar öz toprağında yaşamaq iznini nasıl alalar ve Rusiye memurları ukrainlerni Qırımdan nasıl quva? Studiya musafirleri – «Almenda» vatandaş maarifi merkezinini reisi Olga Skripnik ve «İmaye aqqı» bütünukrain hayriye teşkilâtınıñ uquq hadimi Suleyman Mamutov.