Link açıqlığı

Riza Şevkiyev: Qırımnıñ Rusiye akimiyeti Müftiyattan hırsızlanğan mülkiyet anbarını etecek ola


Riza Şevkiyev

Soñ zamanları «Qırım» Fondu» hayriye teşkilâtınıñ mülkiyeti sebebinden haber ücümleri arttı. Şimdi Qırımnıñ yañı akimiyeti, tek olar da degil, Aqmescitte Şmidta/Naberejnaya soqağı, 2/27 adresi boyunca binanı bölmekteler. Bazı şeylerni añlatmaq içün, bu küçük metnini hayriye teşkilâtımız üzerinde olğan şu areketlerni taqip etken Qırım.Aqiqatqa teklif etem.

Eger de açıqtan aytacaq olsaq, 2014 senesi başında «Larişes» müzeyiniñ kiracısı yañı «Zıncırlı Medrese» binası boyunca «Qırım» Fondu» hayriye teşkilâtınıñ sımasında kira bericiniñ tekliflerini eda etmekten vazgeçti.

Qırımtatar Milliy Meclisiniñ binasında tintüv
Qırımtatar Milliy Meclisiniñ binasında tintüv

Qavğanıñ neticesi mahkeme ketişatına çevirile bile edi, amma Rusiye tarafından Qırım Vatanımıznıñ ilerideki «nezaketli» işğali bizni, ve tek bizni degil de, ola bilecek büyük havf, qırımtatarlarnıñ millet, qavim olaraq yoq etüv havfı ögünde ufaq-tüfek ıncıtuvlar aqqında unutmağa mecbur ete. Aramızda olğan bedava kira añlaşmasını saqladıq ve «Larişes» işine devam etti.

Barışuvda soñ biz «Larişes» müzeyi yolbaşçısı Güliver Altin ile «Kalga-Sultan» müzeyiniñ açılış meselelerini muzakere ettik, başta – «Qırım» Fondu» hayriye teşkilâtına ait olğan binada. Sentâbr başında bedava kira añlaşmasını imzaladıq.

2014 senesi sentâbr ayında, Qırımnıñ Rusiye prokuraturasınıñ talabı ile, Qırımda Rusiye küç strukturaları Fondnıñ binasında 12 saat sürgen tintüvni keçirdiler

Faqat, 2014 senesi sentâbr ayında, Qırımnıñ Rusiye prokuraturası talabı ile Qırımda Şmidta/Naberejnaya, 2/27 adresi boyunca yerleşken Fondnıñ binasında Rusiye küç strukturaları 12 saat sürgen tintüvni keçirdiler.

Soñra mülkni qullanmaq yasağı, bank esabatlarınıñ qapatılması ve «Qırım» Fondu» teşkilâtına ait olğan yedi obyektniñ tutıp alınuvı yüz berdi.

İleride – nice mahkeme toplaşuvı, «Qırım» Fondu» hayriye teşkilâtınıñ qoruvı boyunca inatlığımıznıñ neticesi – cinaiy işlerniñ açılması olacağı aqta aytqan yaş «adliyeci balalarnıñ» ziyaretleri ve ilâhre.

Qırımtatar Milliy Meclisiniñ binası
Qırımtatar Milliy Meclisiniñ binası

Şimdi ise «Qırım» Fondu» hayriye teşkilâtınıñ faaliyeti yasaq etilgen, Qırımnıñ muvaqqat akimiyeti (muvaqqat, çünki sovet zamanı ve diger qıta tarihında tamır halqınıñ razılığı olmadan, küç olaraq adlanğan akimiyetniñ kelecegi yoq edi), Rusiye qanuniyetine bile baqmadan, «Qırım» Fondu» mülkiyetini tutıp almaq istey. Bunıñ ile, Qırımtatar Milliy Qurultayı tarafından tesis etilgen hayriye teşkilâtnı abray ekenler, bunı cemiyet ögünde bir adaletlik aktsiyası olaraq köstermege isteyler. Ziyalılarnıñ, serdarlarnıñ yoq etilüvini hatırlañız, zengin köylülerniñ mülkini tutıp alınuvı ve ilâhre. Sabıq KGB yolbaşçılığı Qırım Müftiyatına «Qırım» Fondu» hayriye teşkilâtı mülkiyetiniñ berilmesi boyunca «yapqan areketlerine» pahıllıq is eter edi. Bunıñ ile Qurultay tarafından teşkil etilgen qırımtatarlarnıñ cemaat tekşilâtlarını bir-birine qarşı qoya. Bundan daa da beteri, Müftiyatnı hırsızlanğan mülkiyet anbarına çevirecek olalar. Böyle mülkiyet ise bahşış olaraq qabul etilmez. Menimce, müftiy, Qırımtatar Milliy Meclis azası bu aqta fikrini bildirir.

Biz tasil ve qırımtatar tili, sanat, medeniyeti ile bağlı leyhalarğa qol tutmaq azırmız.

Riza Şevkiyev, «Qırım» Fondu» hayriye teşkilâtınıñ müdiri

«Bloglar» rubrikasında aydınlatılğan fikirler müelliflerge ait ve muarririyetniñ fikir-tüşünceleri ile aynı olmaması mümkün

XS
SM
MD
LG