Yalta şeer memuriyetiniñ başı Andrey Rostenko politsiya hadimlerinden cemaat tertibiniñ nezaretini qaviyleştirmege talap ete. Yalta şeer şurasınıñ matbuat hızmeti bildirgeni kibi, kurort mevsimi vaqtında politsiya hadimleriniñ sayısını artacaqlar.
«Yalta – kurort şeeri, yazda bizge çoq musafir, turist kele. Olarğa, em уerli insanlarğa tınçlıq-amanlıqnı temin etmelimiz», – dedi Andrey Rostenko.
Şeer idaresi politsiyası başınıñ muavini Оleg Topolnitskiy «regionda insanlarnıñ havfsızlıq meselelerine İçki işler Nazirliginiñ hadimleri ayrı diqqat ayıracağı» aqta bildirdi.
«Yaz mevisimi arfesinde Yalta şeeri boyunca İçki işler Nazirligi idaresiniñ yolbaşçılığı qoşma quvetlerini işletti. Al-azırda şeerge bir 30 hadimi endi keldi», – dey Оleg Topolnitskiy.
O şunı da qoştı ki, yañı insanlar işke endi başladı ve soñ üç kün devamında «qanunsız kelgen ve muayyen yaşav yerleri olmağan insanlarnı qıdıra»
Evel bildirilgeni kibi, Qırımda politsiya hadimleri «Nelegal-2015» ameliyatını keçiriler. Qırım İçki işler Nazirliginiñ matbuat hızmeti bildirgeni kibi, ameliyat çerçivesinde musafirhane, yataqhane, hastahane, mektepler teşkerile.
