Link açıqlığı

Saatnıñ esas haberi

Groysman: Mayıs 18 künü Ukraina qırımtatarlar ile birlikte kederlene


Vladimir Groysman
Vladimir Groysman

Ukraina Yuqarı Şurasınıñ başı Vladimir Groysman 1944 senesi qırımtatarlarnıñ srgünligini Stalin rejiminiñ insaniyetlikke qarşı eñ müthiş cinayet olaraq adladı.

Bunı o Facebook saifesinde yazdı.

«Bu facialı vaqialarnıñ neticesinde evlerinden mecburiy sürette 200 biñ insan quvuldı, yarısı repressiyalarğa dayanıp olamadı», – yazdı o.

«Teessüf ki, şimdi qırımtatarlarnıñ tuvğan toprağı olğan Ukrainanıñ bir qısmı işğal etilgen. İşğalci de totalitar imperiyanıñ mirasçısı olaraq areket ete. Ukraina Qırımda olğan vatandaşları aqqında unutmadı. Ukraina Yuqarı Şurası qırımtatar halqınıñ aqlarını Ukraina tamır halqı olaraq belgiledi ve idare organlar – Meclis ve Qurultaynıñ vekâletlerini de tanıdı, ve işğalde qırımtatar halqı aqlarınıñ bozuluvını takbih etti», – dey o.

Groysman şunı da qayd etti ki, akimiyet «dünya toplulığınıñ ve halqara teşkilâtlarnıñ diqqatnı celp etip, Qırımda Ukraina vatandaşlarınıñ aqlarını qorumağa devam etecek».

«Eminim, Ukraina Qırımnı qaytarır!», – dedi o.

Bazarertesi künü, mayıs 18-de, Qırımdan qırımtatar halqınıñ sürgünligi 71 yıllığı munasebeti ile Ukraina ve tışında bir sıra hatıra tedbiri keçirilecek.

Şu künleri Kiyev, Harkov, Herson, Lviv ve diger şeerlerde de bu kibi tedbirler keçirildi.

Er sene Qırımda sürgünlik yıllığı munasebeti ile kütleviy tedbirler, şu cümleden Aqmescit merkezinde matem mitingi keçirile edi. Amma Rusiyeniñ Qırımnı zapt etkeninden soñ Aqmescit merkezinde bu kibi tedbirlerni keçirmege yasaq ettiler.

Mayıs 18 künü – Qırımtatar halqı sürgünliginiñ hatıra künü. Bu kün 1944 senesi qırımtatarlarnen tolu birinci eşelon Orta Asiyağa yollandı. Umumen 180 biñ insandan ziyade sürgün etilgen edi.

XS
SM
MD
LG