Link açıqlığı

Rusiye bağ ve alâqa nazirligi: Lâle telekanalı ve Meydan radiosı yañlış arizalardan sebep litsenziyanı alamadılar


Lâle telekanalınıñ logosı

Rusiye bağ ve alâqa naziriniñ muavini Aleksey Volin bildirdi ki, Lâle qırımtatar bala telekanalı ve Meydan radiosı ATR qırımtatar telekanalı kibi yañlış ariza berip, Rusiye litsenziyasını alıp olamadılar. Bunı RİA Novosti bildire.

«ATR, LÂLE telekanalları, «Meydan» radiosı belgilengen müddet içinde Rusiye kütleviy haber vastaları olaraq qayd olamadılar, çünki Rusiye Federatsiyasınıñ kütleviy haber vastaları saasında qanunlarına köre vesiqalarnı yañlış resmiyleştirdiler», – dedi Volin.

Nazirniñ muavini aytqanına köre, telekanallar unikal degiller – qırımtatar tilinde yayın yapqan 20 matbuat vastası bar, olarnıñ arasında beş telekanal, sekiz radio ve on gazeta ve mecmua mevcut.

Malüm olğanı kibi, 2015 senesi aprel 1-de ATR ve Lâle qırımtatar telekanalları, Meydan ve «Lider» radioları Rusiye qaydınıñ olmağanından sebep işini toqtattılar.

Aprel 2-de «Qırım» qırımtatar cemaat areketi cumhuriyetti qırımtatar cemaat teleradiokompaniyasını açmağa teklif etti. Qırımnıñ şimdiki yolbaşçısı Sergey Aksönov qırımtatar cemaat teleradiokompaniyasına 177 million ruble ayırılacağını bildirdi.

Yañı cemaat qırımtatar teleradiokompaniyasınıñ adı «Millet» olacaq. Bunı Qırım ükümetiniñ baş nazir muavini Ruslan Balbek bu künleri bildirdi.

XS
SM
MD
LG