Ukraina prezidenti Petro Poroşenko qırımtatarlarnıñ aq ve serbestlikke ıntıluvı ATR milliy telekanalınıñ qapatılması ile toqtatılmaz, dep tüşüne.
Bunı o Twitterde yazdı.
«Telekanalnı söndürmege mümkün, amma qırımtatar halqınıñ aq ve serbestlikke ıntıluvını toqtatmağa imkânsız! Qırım – Ukrainadır», – denile ukrain prezidentiniñ beyanatında.
Aprel 1 kününden ATR yayınlavı toqtaldı. Buña sebep – Roskomnadzor tarafından yayınlav izniniñ berilmemesidir.
Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir.
Qırımtatar matbuat vastalarından Rusiye qaydını yalıñız rus tilinde basılğan «Golos Krıma» gazetası aldı. Neşirde aytılğanı kibi, gazeta endi 6 biñ nusha ve «Golos Krıma New» serlevası ile çıqacaq.
Ukraina medeniyet naziri Vyaçeslav Kirilenko ATR telekanalınınıñ qıtaiy Ukrainada çaluşv imkânını yaratmağa çağırdı.
