Link açıqlığı

Ukraina medeniyet naziri Vyaçeslav Kirilenko ATR qırımtatar telekanalına qıtaiy Ukrainada işine devam etmege imkân yaratmağa çağıra. ATR qırımtatar telekanılı Roskomnadzornıñ mütenasip avalesi olmağanından sebep aprel 1-den yayınlavını toqtattı.

Bunı Kirilenko öz twitterinde yazdı.

«ATR telekanalına qol tutmaq ve işiniñ Ukrainada devam ettirmesine imkân bermek kerek. Qırımtatarlarda yañı sürgünlikke qarşılıqnı köstermek içün şahsiy TV olmalı», – yazdı nazir.

Aprel 1 kününden ATR yayınlavı toqtaldı. Buña sebep – Roskomnadzor tarafından yayınlav izniniñ berilmemesidir.

Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir.

XS
SM
MD
LG