Ukraina İnterpolınıñ Milliy merkeziy bürosınıñ sabıq yolbaşçısı Kirill Kulinovnıñ fikirince, Ukraina Türkiye reberligine Rusiye Federatsiyasınıñ Qara deñiz flotu gemileriniñ İstanbul boğazından keçmesini yasaq etmege teklif etmeli.
Bunı Kulikov mart 18-de matbuat konferentsiyasında ayttı, dep haber ete Qırım.Aqiqat mühbiri.
«Qara deñiz – iç deñizdir. Qara deñiz flotunıñ küçü aqqında ne qadar çoq aytsaq da, İstanbul boğazı olmasa, Qara deñiz flotu da yoq. Türkiye izni olmasa, iç bir gemi mında kiremez», – dep qayd etti Kulikov.
Türkiye prezidenti Recep Tayip Erdoğan mart 20-de Ukrainağa resmiy ziyaret ile kelip, Ukraina-Türkiye yüksek dereceli İşbirlik şurasınıñ 4-ünci toplaşuvında iştirak etecek. Bunıñnen beraber, Kiyevde Erdoğannıñ qırımtatarlarnıñ liderleri Mustafa Cemilev ve Refat Çubarov ile körüşüvi ötkerilecektir.
