Link açıqlığı

Qırımlılar Qırımnıñ Rusiyege qoşluvı aqta «referendum» keçirilgen mart 16 kününi bayram olaraq sayalarmı? Bu kibi sualni Radio Svoboda Veldar Şukurciyevge – mart 9 künü Taras Şevçenko hatırasına mitingde «Qırım – Ukrainadır!» yazısı ile Ukraina bayrağını kötergen ve neticede 40 saatlik mecburiy işlerge nail olğan qırım faaline qoydı.

– «Bayram» degen bu kütleviy tedbirge şahsiy noqtaiy-nazarım: onı qayd etmeyim. Bazıları içün «bayram» sayılğan künü men mahkemede bulunıp, nede qabaatlı ve ne sebepten 40 saatlik mecburi işlerge nail olğanımnı ögrenmege areket etkenim. Şeerde tıqаnıqlıqlar, çoqtan-çoq politsiya, arbiy tehnika sergisi, çeşit bayraqlar köterilgenini bilem. Mektepten balalarnı ketirip, «balalar bahtlı, yahşılar, sevineler» deycek olalar, süjette kösterilecek devlet hızmetçilerini kelmege mecbur ettiler – bilem, çünki qapalı şeerni körgenim, merkezni endi qanunlaştırılğan, başta olğanından topladılar da, soñ qanunlaştırdılar, «halq imayesi» sarıp aldı.

Veldar Şukurciyev Aqmescitniñ Demir yol mahkemesiniñ toplaşuvından evel, 2015 senesi mart 12
Veldar Şukurciyev Aqmescitniñ Demir yol mahkemesiniñ toplaşuvından evel, 2015 senesi mart 12

Mekteplerde ise nasıldır tedbirler keçemi?

– Qızım mektepke ketmedi, çünki onıñ bu tedbirlerde iştirak etmesini istemeyim. Yani mektep tedbirleri çerçivesinde «halq imayesi» öz hatırlavları ile paylaşacaq, mektepke «DHC» ve «LHC» vekilleri kelecek ola. Bunı iç añlamayım, bu insanlar kim, ne içün kele, nenen kele? Kim bile, belki, ellerinde granata ya raqını tutıp, mektepke BTR ile kelirler… Şunıñ içün qızımnı mektepke yollamadım.

– Ya Rusiye telekanallarında tarif etilgen bayram keyfi mında barmı?

– YOQTIR! Ne bayram keуfi, ne eyecan! Etrafta bayram Du-yul-may! Yoq, bayram yoqtır. Adiy kün, adiy boz turmuş, yılnıñ 365 künü kibi. Bu künlerden birini de «bayram» aytıp, qayd etmek mümkün, bugün olğanı kibi. Kim bile, belki nasıldır bir ayrı insanlar, kazak kiyimlerinde, başlarına qıyış kiygen papahalı insanlar bayramnı duyadırlar. Umumen ise adamlar bayramnı is etmey.

Yani ev bikeleri bütün kün aş pişirmey, erkekler bayram urbalarına kiyinmey, çarşı ya tükânlardan hususiy bir şeyler alınmay, sofralarda adetiy makaron tura. Tünevin ve er kün olğan qasevetler.

Subetniñ soñunda Veldar Şukurciyev – qırım faali – qoştı:

– Siznen Qırımda aqiqiy bayramda körüşmege ümüt etem.

Maqaleniñ asıl nushası – Radіo Svoboda saytında

XS
SM
MD
LG